Kia Fakatulou Atu

Alofaifo Lino & Sekuini Solomona

Avatele Village

Kia Fakatulou Atu


Kia fakatulou atu fakamua ke he Atua

Ha ko ia kua mafola ai a taua

Ko e fenoga kua leva ne talahau

Haia kua kitia mooli e au


Ma Henene na e ko koe ko e matua

Niu Silani ko e kapitiga talahaua

Kua fakalataha tautolu ki hinei

Ke he fulufuluola mo e mitaki pehe nai


Ma Niu Silani nae fakaue lahi atu

Ke he haau a lagomatai kia au

Nakai nimo e tau mena mitaki

Kua fakafoou ha ko e afa lahi


Pete ni he uka ka e foaki mai ni

Ma e motu nei kua nofo gati

Ka e fai mena ke ole atu ai foki

Fakamolemole a koe ti fakamooli


Kia fakatulou atu fakamua ke he Atua

Ha ko ia kua mafola ai a taua

Ko e fenoga kua leva ne talahau

Haia kua kitia mooli e au


Ma Henene na e ko koe ko e matua

Niu Silani ko e kapitiga talahaua

Kua fakalataha tautolu ki hinei

Ke he fulufuluola mo e mitaki pehe nai


Ma Niu Silani nae fakaue lahi atu

Ke he haau a lagomatai kia au

Nakai nimo e tau mena mitaki

Kua fakafoou ha ko e afa lahi


Pete ni he uka ka e foaki mai ni

Ma e motu nei kua nofo gati

Ka e fai mena ke ole atu ai foki

Fakamolemole a koe ti fakamooli


Ko e mena uho nei ko e male vakalele

Kia mukamuka ai e tau fekau kehekehe

Katoa mo e tau fenoga evaeva mai

Ko e tau puhala kua uka lahi ai


Ko e manatu foki tuga mo e kelekele

Ha ha i ai e tau monuina kehekehe

Ko e fale filisa mo e moli hila

Ka e ko e tupe ni kua mativa ai a kita


Ko e tau mena ia kua ole atu ai

Fakamolemole mai nakai fakavai

Ka ko e mena mooli kua lolelole

Ha ko au nei ko e motu tote


Tuga ne lali ai e Komisina nofo mau

Kia monuina tumau haana fanau

Kua nakai manatu ia fakatokoluga

Ha ko Niue ke lagaki ki luga


Ka liu e fenoga kia tumau ni

E tino malolo a tautolu oti

Kia maha ni e tahi milino e matagi

Ko e Iki ni he lagi ko ia ko e takitaki


Kia monuina foki ha malu matua

Ko Shanks mo e tama mo e tau gahua

Ko e feofanaki ni e mena kua fuluola

Ke mitaki e tau mena kua fakatokatoka


Ka liu e fenoga kia tumau ni

E tino malolo a tautolu oti

Kia maha ni e tahi milino e matagi

Ko e Iki ni he lagi ko ia ko e takitaki


Kia monuina foki ha malu matua

Ko Shanks mo e tama mo e tau gahua

Ko e feofanaki ni e mena kua fuluola

Ke mitaki e tau mena kua fakatokatoka


Avatele Village