Niue Nae, Niue Nae

TTC

TTC (Teacher's Training College)

Niue Nae, Niue Nae


Niue nae, Niue nae  

Niue nae, Niue nae  

Haku motu fakahele 

Motu tote tu taha 

Puke tagata tote maka 


Tagi togi e tokologa 

Vela e laa mo e uka e gahua 

Kavakava ka e tote e fua 

Tote maka mo e palepale 


Manamanatu la mo e kikite 

Ko e mooli e tala ne pehe 

Ko e makatea lagaki hake 

Talue kelea ai talumelie 


Taha tala tuai moua ai nei 

Hunuaki Faao mo e tau tupua 

Fonua lalo ne o mai ai 

Ko e faahi he motu e takeleaga 


Mumui mai ai taha kau mai i Toga 

Tau kanava akau ne fakaaoga 

Fehagai tau ki Anatoga 

Takele tafiti e toe tagata 


Vevehe pihia haku motu tote 

Motu mo Tafiti ko e tala tuai 

‘Savage Island’ ko e hepe mahaki 

Keli tagata ko e tala tuai 


Tau iki he motu eke taha 

Pipi taha mo e tau fuata 

Keli e moko mahekeheke 

Fa pikitia e atuhau tupu hake  


Ka fenoga atu ki Niu Silani 

Lata ke iloa mo e mailoga mitaki 

Ha i Niue haaku kaina 

Niue nei ko e haaku penina. 

TTC (Teacher's Training College)